IX Magostu Ambulante en Corporales

 
Los días 1 y 2 de los santos vuelve outra edición d’este magostu tradicional

Yá van 9 años nos que por velías se va faciendo esti magostu cultural qu’organizan las asociaciones culturales de Cabreira l’Alta. Desde l'IEC queremos da-ye importancia al valor y riqueza cultural qu’aquestas asociaciones llevan años apurriendo, yá nou solo a Cabreira l’Alta, senóu a toda Cabreira, polo que sería interesante qu’esta facendeira en común se ficiera estensible a outras asociaciones cabreiresas, aumentando asina la oufierta cultural, la sociabilidá y la calidá de vida de los ñuesos llugares.

Nesta oucasión vamos contar el viernes con un taller de dibuxu pa rapaces y una exposición de roupa tradicional cabreiresa. Pal sábadu pola mañana habrá una ruta pol patrimoniu arqueolóxicu de Corporales que seguirá más tarde con una conferencia sobre las queimas forestales na sierra de Cabreira y del Picu Talenu. Pa terminar la mañana tendremos tamién un taller sobre’l suelu y el llumbre. Pola tarde tendremos una interesante conferencia sobre los cultos arbóreos en Cabreira. Depuéis vamos tener la oportunidá de participar en famili nún taller pa rapaces de xuegos tradicionales que promete ser bien entreteníu.

Estiañu va ser un magostu cultural muei completu, onde la lliteratura y la música van dir de la mano. Contaremos cona presencia d’Andrés Martinez Oria que presentará´l llibru «Flores de Hinojo», y también un conciertu n’acústicu de l’artista cabreiresa Alva B. Pa rematar terminaremos primeiro cono 1º Concursu de tortiella cabreiresa y despuéis cono magostu tradicional qu’estará amenizáu con música local.