Los días 3 y 4 de los santos vuelve la VIII edición del Magostu Ambulante, estiañu na localidá de Valdaviéu’l sabadu y en Truitiellas el diumingu
Yá van 8 años nos que pur velías se va faciendo esti magostu cultural qu’organizan las asociaciones culturales de Cabreira Alta y outras achegadas. Dende esti periódicu queremos da-ye importancia al valor y riqueza cultural qu’aquestas asociaciones llevan años apurriendo, yá nou solo a Cabreira Alta, sinóu a toda Cabreira, pulo que sería interesante qu’esta facendeira en común se ficiera estensible a outras asociaciones cabreiresas, aumentando asina la oufierta cultural, la sociabilidá y la calidá de vida de los puebros.
Nesta oucasión el tema central del Magostu Ambulante va dir en redor del medio ambiente y de la micoloxía, y pa eillo’l profesor de la universidá de Santiago de Compostela, Emilio Díaz Varela en colaboración cuna universidá de Llión va descubrinos “servicios de los ecosistemas en Cabreira: importancia y vulnerabilidá ante’l llumbre”. La ciencia va siguir estando bien presente durante todu’l magostu, yá que gracias al arqueólugo AndrésMenéndez vamos tener la oportunidá de participar nos descubrimientos que ficieron no Castru de la Cuesta el branu pasau.
Pur outru llau vamos cuntar cuna participación de Rafael Álvarez del Teso va apurrinos el xeitu de identificar a las setas y una degustación de las mirmas. Estiañu va ser un magostu cultural muei completu, onde la melicina popular vien de la manu de Ana Saavedra Morán, quien nos presentará la Ceridueña cumo pranta curativa. Y tamién vamos poder esfrutar de la música tradicional cuno grupu “los gaiteiros de Quintaniella”, y pur supuestu… del rico sabor de las castañas asadas.
No hay comentarios:
Publicar un comentario